Sorkar in Cheng Vaibelchhe 1956.19 sum puk tawh

by Editor

Tualchhung News

ZORAM TODAY| 21st August, 2024 (Wed): ZPM ministry thar pian hnu December ni 8, 2023 atanga July, 2024 thla thleng khan sum pukna hrang hrang- Open Market Borrowing (OMB), Ways & Means Advance (WMA) leh Special Drawing Facility (SDF) hmangin Cheng Vaibelchhe 1956.19 Mizoram Sorkar chuan a puk tawh.

East Tuipui bialtu, MNF MLA Ramthanmawia zawhna Chief Minister leh Finance Minister nibawk, Lalduhoma chhan danin Special Drawing Facility (SDF) hmangin December, 2023 ah Vbc 87.81; January, 2024 ah Vbc 120.56; February ah Vbc 107.57; March, 2024 ah Vbc 78.38; July, 2024 ah Vbc 76.17 a ni a.

Ways & Means Advance (WMA) hmangin- December, 2023 ah Vbc 247.17; January, 2024 ah Vbc 23.54; February, 2024 ah Vbc 408.59; March, 2024 ah Vbc 114.40 te puk a ni bawk.

Mizoram Sorkar hian Open Market Borrowing (OMB) hmangin April, 2024 tihloh thla tin sum a puk a- December, 2023 ah Vbc 90; January, 2024 ah Vbc 80; February, 2024 ah Vbc 80; March, 2024 ah Vbc 81; May, 2024 ah Vbc 200; June, 2024 ah Vbc 71 leh July, 2024 ah Vbc 90 te an puk a ni.